शनिबार चितवनमा भेटिएका कोरोनाभाइरस संक्रमित युवाको परिवारमा पहिले नै दुई जनालाई कोरोनाभाइरस संक्रमण देखिएको पुष्टि भएको छ । 

शनिबार भरतपुर ६ का एक ५२ वर्षीय पुरुषमा कोरोनाभाइरस देखिएपछि यो खुलेको हो । उनी बिहीबार कोरोनाभाइरस देखिएको एक दम्पतीका छोरा भएको खुलेको छ ।

यो दम्पतीमा पुरुष ७४ वर्षका हुन् र उनी भारतमा फोक्सोको क्यान्सरको उपचारका लागि गएका थिए । त्यहाँबाट फर्किएपछि कोरोना परीक्षण गर्दा उनमा संक्रमण देखिएको हो । उनको छोराको शनिबार आएको रिपोर्टमा पनि कोरोना संक्रमण देखिएको हो ।