बलिउड अभिनेता सलमान खानसँग फिल्म रेडीमा काम गरेका अभिनेता मोहित बघेलको निधन भएको छ । मोहित २७ वर्षका मात्र थिए । उनलाई क्यान्सर भएको थियो । निर्देशक राज शान्डिल्य तथा परणिती चोपडाले मोहितको निधनमा दुःख व्यक्त गरेका छन् ।

फिल्म ड्रिम गर्लका निर्देशक राजले ट्विट गर्दै मोहितलाई गुमाउनु ठूलो दुःख भएको र अभिनयको क्षेत्रमा उनको नाम सधैं लेखिने बताएका छन् । 

मोहितको केमोथेरापी १४ मेमा भएको थियो । शनिबार उनको निधन भएको हो । उनलाई आफूले काम गरेका अत्यन्त राम्रा मानिसमा एक भएको परिणिती चोपडाले उल्लेख गरेकी छिन् ।