दैनिक उल्लेख्य संख्यामा कोरोनाभाइरस संक्रमित भेटिए पनि कोरोनाभाइरस संक्रमित भाग्न थालेपछि बाँकेको नरैनापुरलाई निषेधित क्षेत्र घोषणा गरिएको छ । 

जिल्ला सुरक्षा समितिको बैठकले आज राति ८ बजेबाट निषेधित क्षेत्र घोषणा लागु हुने र नेपाली सेना पनि त्यहाँ परिचालन गर्ने निर्णय गरेको हो ।

भारतसँग सीमा जोडिएको नरैनापुरमा अहिलेसम्म १ सय १४ जनामा कोरोना संक्रमण देखिएको छ । त्यहाँ एक क्वारेन्टाइनमा २५ वर्षका एक युवाको निधन पनि भएको छ । 

त्यहाँका स्थानीयहरुले पनि स्थानीय तथा जिल्लासँग सेना परिचालन गर्न माग गरेका थिए ।