बारामा एकै दिन थप चार जना सुरक्षाकर्मीमा कोरोना संक्रमण पुष्टि भएको छ । यसअघि पनि त्यहाँ शनिबार मात्र एक जना प्रहरी जवानमा कोरोनाभाइरस संक्रमण भएको पुष्टि भएको थियो । 

योसँगै बारामा मात्र कोरोनाभाइरस संक्रमित प्रहरीको संख्या ५ पुगेको छ ।

जिल्ला प्रहरी कार्यालय बारामा कार्यरत सर्लाही घर भएका ४९ वर्षीय, कलैया–१६ घर भएका ३४ वर्षीय, पर्सा घर भएका ३२ वर्षीय र रौतहटको युमनामाई घर भएका ३४ वर्षीय प्रहरी कर्मचारी संक्रमित भएका हुन् ।

यसअघि मुद्दा शाखामा कार्यरत प्रहरी कर्मचारीमा कोरोना संक्रमण पुष्टि भएको थियो ।