Sun, 12 Jul, 2020


कर्णालीमा मात्रै थपिए १२ कोरोनाभाइरस संक्रमित
फरकधार / जेठ १३, २०७७

कर्णाली प्रदेशमा मंगलबार विहान १२ जनामा कोरोनाभाइरस संक्रमण भएको पुष्टि भएको छ । योसँगै अब कर्णालीमा कोरोनाभाइरस संक्रमितको संख्या २३ पुगेको छ ।



कर्णाली प्रदेशमा नौ दिनअघि पहिलो कोरोनाभाइरस संक्रमित भेटिएका थिए । 

सोमबारसम्म त्यहाँ ११ जनामा कोरोनाभाइरस संक्रमण भएको पुष्टि भएको थियो । मंगलबार विहान थप १२ जनामा कोरोनाभाइरस संक्रमण पुष्टि भएको हो । यो सुर्खेतका विभिन्न क्वारेन्टाइनमा बसिरहेकाहरुको रिपोर्ट आएको हो । 

मंगलबार बिहान रिपोर्ट पोजेटिभ आएका १२ जनामध्ये १० जना वीरेन्द्रनगर नगरपालिकाका र २ जना सिम्ता गाउँपालिकाका छन् । यो सँगै सुर्खेतमा कोरोना संक्रमित हुनेको संख्या १५ पुगेको छ । कर्णाली प्रदेशको दैलेखमा ८ जना कोरोनाभाइरस संक्रमित भेटिइसकिएका छन् ।


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यो सामाग्री सेयर गर्नुहोस्


यो पनि नछुटाउनुहोस्