ल्याटिन अमेरिकी देश ब्राजिल अब कोरोनाभाइरस संक्रमित धेरै भएका देशहरुको सूचीको दोस्रो नम्बरमा आइसकेको छ । त्यहाँ दैनिक हुने मृत्यु पनि बढ्दै गएको छ । 

पहिलो पटक अब ब्राजिलमा एक दिनमा हुने मृत्यु अमेरिकाको भन्दा धेरै भएको छ । पछिल्लो २४ घन्टामा कोरोनाका कारण ब्राजिलमा ८०७ जनाको निधन भयो । अमेरिकामा यो संख्या ६ सय २० रह्यो ।

ब्राजिलमा कोरोनाभाइरस संक्रमित बढ्दै गए पनि ब्राजिलका राष्ट्रपति जैर बोल्सोनारोले लकडाउन लगाएका छैनन् ।