कोरोनाको हटस्पट बन्दै गएको बाँके जिल्लाभरि बुधबार राति १० बजेदेखि लागू हुने गरी अनिश्चितकालीन निषेधाज्ञा जारी गरिएको छ ।

बाँकेमा अहिलेसम्म १७० जना कोरोना सङ्क्रमित भेटिएका छन् । अवस्था नियन्त्रणबाहिर जान थालेकाले निषेधाज्ञा जारी गरिएकाे हाे । सरकारले केही दिनअघिमात्र बाँकेका सिडिओकाे सरुवा पनि गरेकाे थियाे । बुधबार जिम्मेवारी सम्हालेलगत्तै प्रजिअ कुरुम्बाङले बाँकेमा कडाइ गरिने निर्देशन दिँदै बुधबार रातिदेखि नै अनिश्चितकालीन निषेधाज्ञा जारी गरेका हुन् ।

लकडाउनको पालना नगरिएको पाइएकाले बाँकेमा अनिश्चितकालीन निषेधाज्ञा जारी गरिएको उनले बताए ।