भारतीय टिभी अभिनेत्री मेबिना माइकलको सडक दुर्घटनामा निधन भएको छ । २२ वर्षकी मेबिना माइकल आफ्नो घर जाँदै गर्दा सडक दुर्घटनामा परेकी थिइन् । 

उनी भारतको कन्नडकी निकै लोकप्रिय अभिनेत्री हुन् । कन्नड टिभी दुनियाँमा उनको निकै राम्रो पहिचान स्थापित भइसकेको थियो । 

उनी आफ्ना साथीहरुसँग घर मेदीकेरी जाने क्रममा एक ट्रकसँग ठोक्किएको र दुर्घटनामा परेको भारतीय मिडियाले जनाएका छन् । यो घटनाबारे प्रहरीले छानबिन सुरु गरेको छ ।