गण्डकी प्रदेशमा थप दुई जनामा कोरोनाभाइरस संक्रमण पुष्टि भएको छ । योसँगै अब गण्डकी प्रदेशमा कोरोनाभाइरस संक्रमितको संख्या १९ पुगेको छ ।

शुक्रबार विहान नवलपरासीको देवचुली नगरपालिकाका थप दुई जनामा कोरोना संक्रमण पुष्टि भएको हो ।

देवचुली ११ र १५ का दुई जनामा कोरोनाभाइरस संक्रमण देखिएको प्रदेशको स्वास्थ्य कार्यालयले पुष्टि गरेको छ । यी दुवै जना भारतबाट आएका थिए ।

यसअघि देवचुलीमा अन्य दुईमा पनि कोरोनाभाइरस संक्रमण पुष्टि भइसकेको छ ।