बलिउड अभिनेता इरफान खानको निधन भएको एक महिना भइसकेको छ । तर, अझै पनि उनको चर्चा रोकिएको छैन । उनले जसरी अभिनयमा आफ्नो योगदान दिए, त्यसले निकै प्रशंसा पाइरहेको छ ।

इरफानको निधन भएको अब एक महिनापछि उनका साथीले उनले मृत्युअघि गरेको एउटा कामको खुलासा गरेका छन् । अनि यसले पनि फेरि प्रशंसा पाएको छ ।

इरफानको निधनपछि उनका साथीले दिएको एक अन्तर्वार्तामा यो खुलासा भएको हो । 

उनका साथी जियाउल्लाहले दिएको जानकारीअनुसार उनले कोरोनाभाइरस पीडित मानिसहरुका लागि केही रकम सहयोग गरेका थिए । तर, यसबारे उनले बाहिर थाहा नदिन साथीहरुलाई निदेएशन नै दिएउका थिए । इरफानले आफूले दिएको सहयोगबारे बाहिर आउन नहुने धारणा राखेको ती साथीले बताएका छन् ।