पर्सामा थप सात जनामा कोरोनाभाइरस संक्रमण पुष्टि भएको छ । योसहित अब पर्सामा ११४ जनामा कोरोनाभाइरस संक्रमण देखिएको छ ।

पर्सामा यसअघि नेपालमै सबैभन्दा धेरैले कोरोना संक्रमणलाई जितेका पनि छन् । पर्सामा अहिलेसम्म ९३ जनाले कोरोना जितेका छन् । 

बुधबार पर्साको कालिमाइमा ४ जना, सखुवाप्रसौनीमा २ जना, बिन्दबासिनी गाउँपालिकामा १ जनामा कोरोना संक्रमण पुष्टि भएको हो । उनीहरुको स्वाब परीक्षण नारायणी अस्पतालको पिसिआर ल्याबमा गरिएको थियो । 

अस्पतालका एक अधिकारीका अनुसार उनीहरु १६ वर्षदेखि ४९ वर्षसम्मका छन् ।