भारतमा कोरोनाभाइरस संक्रमण अब उत्कर्षमा पुग्न लागेको छ । भारतीय स्वास्थ्य मन्त्रालयका अनुसार भारतमा अब संक्रमितको संख्या दुई लाखभन्दभ बढी पुगिसकेका छन् । 

विश्वमा सबैभन्दा बढी जनसंख्या भएको दोस्रो देश भारतमा अझ कोरोना संक्रमणको समस्या बढ्न सक्ने त्यहाँका जानकारहरुले बताएका छन् ।

भारतीय स्वास्थ्य मन्त्रालयका अनुसार पछिल्लो २४ घन्टामा भारतमा ८ हजार ९ सय ९ जनामा कोरोनाभाइरस संक्रमण पुष्टि भएको छ । भारतमा एकै दिन सबैभन्दा धेरै संक्रमित भेटिएको यो पहिलो पटक हो ।

यसका साथसाथै भारतमा अब कोरोनाभाइरस संक्रमितको संख्या २ लाख ७ हजार ६ सय १५ पुगेको छ ।

अमेरिका, ब्राजिल, बेलायतसँगै अब विश्वमा सबैभन्दा बढी कोरोनाभाइरसबाट प्रभावित छैटौं देश भारत बनेको छ । 

भारतमा अहिलेसम्म कोभिड १९ का कारण ५ हजार ८ सय १५ जनाको निधन भएको छ ।