काठमाडौं– भारत सरकारले विभिन्न काम विशेषले काठमाडौं उपत्यकामा आएर लकडाउनका कारण रोकिएका आफ्ना नागरिकलाई स्वदेश फिर्ता लगेको छ । रोकिएका भारतीय नागरिकलाई भारतीय राजदूतावासको पहलमा स्वदेश फिर्ता लगिएको हो ।

काठमाडौंमा व्यापार व्यवसाय गर्ने भारतीय नागरिक, धार्मिक भ्रमणका लागि आएका, आफन्त भेटघाटका लागि आएका आफ्ना नागरिकलाई बिहीबार पनि भारत लैजाने व्यवस्था मिलाएको हो । 

भारत सरकारले यस अघि पनि नेपालबाट आफ्ना नागरिकलाई उद्धार गरी जहाजमार्फत स्वदेश फिर्ता लगेको थियो । दूतावासका अनुसार यसपटक भने आफ्ना नागरिकलाई बसमार्फत लैजाने व्यवस्था गरिएको छ ।