तनहुँमा थप दुई जनामा कोरोनाभाइरस (कोभिड १९) संक्रमण पुष्टि भएको छ ।

ऋषिङ गाउँपालिकामा रहेको क्वारेन्टाइनमा बसेका ३९ र ४० वर्षका पुरुषमा कोरोनाभाइरस संक्रमण पुष्टि भएको हो । पोखरामा रहेको गण्डकी प्रदेश स्वास्थ्य निर्देशनालयले यो जानकारी दिएको हो । उनीहरु दुवै जना ऋषिङकै भएको जनाइएको छ ।

योसँगै तनहुँमा कोरोना संक्रमितको संख्या ३ पुगेको छ । अनि गण्डकी प्रदेशमा अब ५६ जनामा कोरोनाभाइरस संक्रमण देखिएको छ ।

तनहुँमा भेटिएका दुई जनालाई जिल्लाको सरकारी अस्पतालको क्वारेन्टाइनमा लैजाने तयारी भएको छ ।