काठमाडौं– नेपाल सरकारका वरिष्ठ ३ जना सहसचिव सचिवमा बढुवा भएका छन् । बिहीबार साँझ बसेको मन्त्रिपरिषद बैठकले सहसचिवहरु गोकर्णमणि दुवाडी, मानबहादुर बिके र विष्णुप्रसाद नेपाललाई सचिवमा बढुवा गरेको हो ।
लोकसेवा आयोगका अध्यक्ष नेतृत्वको सिफारिस समितिले वैसाख ३१ गते उनीहरूको बढुवाका लागि सिफारिस गरेको थियो । बढुवा भएका सचिवहरुको पोस्टिङ हुन बाँकी छ ।
सिफारिसमा दुवाडी पहिलो नम्बरमा, बिके दोस्रो नम्बरमा र नेपाल तेस्रो नम्बरमा परेका थिए । सचिवहरु महेश दाहाल, दीपक सुवेदी र विनोद केसीको अवकाशपछि रिक्त सचिव पदमा उनीहरुको बढुवा भएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
