कोरोनाभाइरसका कारण निम्तिएको संकटका कारण समस्यामा परेका युएईमा रहेका १ सय ५७ जना नेपाली नेपाल आइपुगेका छन् । उनीहरुलाई लिएर आएको विमान काठमाडौंमा अवतरण गरेको होे ।
एयर अरेबियाको जी ९ १७५१ नम्बरको विमानमा उनीहरु काठमाडौं आइपुगेका हुन् ।
यसअघि आजै युएईबाट आउने भनिएको अर्को विमानको उडान चाहिँ रद्द भएको थियो ।
त्यसपछि एयर अरेबियाको यो विमानमा आफैं पैसा तिरेर नेपालीहरु काठमाडौं आइपुगेका हुन् । यसअघि आउने भनिएको विमान चाहिँ युएई सरकारले आफैं चार्टड गरेर पठाउने भनेको थियो ।
युएईबाट कम्तिमा पनि १८ हजार नेपाली फर्किन चाहेका छन् । अब अन्य व्यक्तिहरुलाई पनि विस्तारै नेपाल ल्याइने बताइएको छ ।
यसअघि शुक्रबार नै म्यानमारबाट २६ नेपाली काठमाडौं आइपुगेका छन् । उनीहरुलाई वसुन्धरामा रहेको होल्डिङ सेन्टरमा राखिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
