मृत्यु भएपछि परीक्षण गरिएका थप दुई जनामा कोरोना संक्रमण देखिएको छ । 

डोल्पाका ५८ वर्षीय पुरुष र धनगढीकी ५५ वर्षीया महिलाको मृत्युपछि पिसिआर जाँच गर्दा कोरोना संक्रमण देखिएको स्वास्थ्य तथा जनसंख्या मन्त्रालका प्रवक्ता डा विकास देवकोटाले बताए ।

डोल्पाका पुरुष दमको रोगी रहेको उनले जानकारी दिए । उनकाे २१ जेठमा मृत्यु भएकाे थियाे ।

त्यसैगरी धनगढीकी महिला सेती अस्पतालमा २३ जेठमा डायलासीस गराउन आएको र मृत्यु भएको मन्त्रालयले जनाएको छ ।

उनको मृत्युपछि परीक्षण गर्दा कोरोना पोजेटिभ देखिएको देवकोटाले बताए । ‘डायलासीस गराउन आउँदा कोरोनाको कुनै लक्षण उहाँमा थिएन,’ उनले भने, ‘परीक्षण गर्दा भने संक्रमण पुष्टि भयो । ’