कपिलवस्तुमा मात्रै ५ सयभन्दा धेरै कोरोनाभाइरस संक्रमित पुगेका छन् । शनिबार कपिलवस्तुका ४ स्थानीय तहमा ७ महिलासहित ४८ जनामा कोरोनाभाइरस संक्रमण पुष्टि भएको हो । 

योसँगै अब कपिलवस्तुमा ५ सय २३ जना कोरोनाभाइरस संक्रमित पुगेका छन् । 

शनिबार महाराजगन्जमा ३७, विजयनगर गाउँपालिकामा ५, बुद्धभूमि नगरपालिकामा ४ जना र यशोधरा गाउँपालिकामा २ जना नयाँ संक्रमित थपिएका हुन् । 

कपिलवस्तुमा अहिलेसम्म सबैभन्दा धेरै संक्रमित यशोधरा गाँउपालिकामा भेटिएका छन् । यशोधरामा मात्रै अब एक सय ३८ जनामा कोरोनाभाइरस संक्रमण देखिएको छ । त्यस्तै, महाराजगन्ज नगरपालिकामा १ सय २, मायादेवी गाउँपालिकामा ५३, कृष्णनगर नगरपालिकामा ५२ र शिवराजमा ४८ जना संक्रमित छन् ।

त्यसैरगरी शुद्धोदन गाउँपालिकामा ३०,बुद्धभूमि र कपिलवस्तु नगरपालिकामा २९र२९,वाँणगंगा नगरपालिकामा २२ र विजयनगर गाँउपालिकामा २१ जना संक्रमित छन् ।