भरतपुरमा कोरोना संक्रमणको उपचार गराइरहेका एक जनाको मृत्यु भएको छ । चितवनमा कोरोना संक्रमितको मृत्यु भएको यो पहिलो पटक हो । नारायणी सामुदायिक अस्पतालमा उपचार गराइरहेका मृतकलाई सोमबार मात्र भरतपुर अस्पतालको आइसियूमा सारिएको थियो ।

भरतपुर महानगरपालिका ११ का ६८ वर्षीय वृद्धलाई सोमबार मात्र कोरोनाभाइरस संक्रमण भएको पुष्टि भएको थियो । उनको मंगलबार विहान मृत्यु भएको हो । मृतकलाई यसअघि नै मुटु र निमोनियाको समस्या भएको बताइएको छ ।

योसँगै नेपालमा कोरोनाबाट मृत्यु हुनेको संख्या १४ पुगेको छ । 

भरतपुरमा अब उनको शव कसरी व्यवस्थापन गर्ने तयारी सुरु भएको छ ।