नेपालमा थप तीन प्रहरीमा कोरोनाभाइरस संक्रमण देखिएको छ । योसँगै नेपालमा कोरोना संक्रमित प्रहरीको संख्या ४५ पुगेको छ ।

पछिल्लो पटक कन्चनपुरमा कार्यरत तीन प्रहरीमा कोरोनाभाइरस संक्रमण पुष्टि भएको हो ।

कन्चनपुरको भीमदत्त नगरपालिकाको बैजनाथ माध्यमिक विद्यालयमा रहेको क्वारेन्टिनमा सुरक्षाका लागि खटिएका प्रहरी सहायक निरीक्षक र प्रहरी हवल्दार गरि दुई जना र पुर्नवास नगरपालिकामा प्रहरी चौकीमा कार्यरत एक प्रहरीमा कोरोनाभाइरस संक्रमण भएको हो ।

उनीहरुमध्ये दुई जनालाई अब महाकाली अस्पतालको आइसोलेसनमा राखिएको छ भने एक जनालाई सेती प्रादेशिक अस्पतालको आइसोलेसनमा राखेर उपचार गरिएको छ । क्वारेन्टिनमा बस्दै आएका संक्रमित प्रहरीको सम्पर्कमा रहेका व्यक्तिको कन्ट्याक्ट ट्रेसिङ र स्वाब सङ्कलन भइरहेको छ ।