विश्व स्वास्थ्य संगठन (डब्ल्यूएचओ)ले मौसम परिवर्तनले कोरोना भाइरस संक्रमणको फैलावटमा असर गर्छ भन्ने कुनै प्रमाण नभएको बताएको छ । डब्ल्यूएचओका आपतकालीन कार्यक्रम प्रमुख माइक रयान यस्तो स्पष्ट पारेका हुन् ।
‘मौसम परिवर्तन वा तापक्रम वृद्धि कोरोनाभाइरसविरुद्धको जवाफ हो भन्ने कुरामा विश्वास गरेर हामी बस्न सक्दैनौं’, उनले भनेका छन्, ‘मौसम परिवर्तनबाट यो भाइरस खतरनाक हुने, तीव्र गतिले फैलिने वा नफैलिनेभन्नेबारे त्यस्तो कुनै तथ्यांक अहिलेसम्म हामीसँग छैन ।’

केही समयअघि गर्मी सुरु भएपछि कोरोनाभाइरसको संक्रमण कम हुने चर्चा चलेको थियो । तर हालसम्म भाइरसको प्रकृति र संक्रमण दर हेर्दा त्यो सत्य नभएको देखिएको छ ।