संसदमा चलिरहेको संविधान संशोधनको विधेयकबारे दफावार छलफलमा जनता समाजवादी पार्टीका नेता राजेन्द्र महतोले फेरि आफूलाई दिइएको समयबारे कुरा गरेका छन् । सभामुख अग्निप्रसाद सापकोटाले उनलाई समयसीमा सम्झाएपछि उनले यो विषयमा कुरा उठाएका हुन् ।
‘पूर्वप्रधानमन्त्री प्रचण्ड र शेरबहादुर देउवालाई समय सीमा नहुने,’ उनले भने, ‘के यहाँ बोल्न पूर्वप्रधानमन्त्री हुनु पर्ने हो र ?’ उनलाई पहिले दस मिनेटको समय दिइएको स्मरण सभामुख सापकोटाले गराएका थिए ।
सम्बोधनको सुरुमा पनि सांसद महतोले यसबारे प्रश्न उठाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।