नेपालमा अब कोरोनाभाइरसका कारण मृत्यु हुनेको संख्या १९ पुगेको छ । गुल्मीमा एक युवाको कोरोना संक्रमणका कारण मृत्यु भएको पुष्टि भएसँगै यो संख्या बढेको हो ।
गुल्मीको धुर्कोट गाउँपालिकाका २७ वर्षका एक युवाले कोरोनाभाइरसका कारण ज्यान गुमाएका हुन् ।
उनी क्यान्सरबाट पनि पीडित रहेको र उनको तमघासमा रहेको आइसोलेसनमा उपचार हुँदै गर्दा मृत्यु भएको हो ।
यसबारे स्वास्थ्य मन्त्रालयले औपचारिक पुष्टि गर्न बाँकी छ ।
योसँगै कोरोनाका कारण मात्रै गुल्मीमा दुई जनाले ज्यान गुमाएका छन् । यसअघि त्यहाँका एक ४६ वर्षीय शिक्षकको पनि कोरोनाका कारण बुटवलमा निधन भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।