काठमाडौं– लकडाउन अवधिभर दुईपटक मात्र खुलेको सेयरबजार खुल्न अझै चार दिन लाग्ने भएको छ । नेपाल स्टक एक्सचेन्ज लिमिटेडले सोमबार सूचना जारी गर्दै चार दिनका लागि बजार बन्द गरिएको जानकारी दिएको छ ।
नेपाल धितोपत्र बोर्डको निर्देशनअनुसार चार दिनका लागि सेयर कारोबार बन्द गरिएको हो । सोमबारदेखि बैंकलगायतका वित्तीय कारोबार सञ्चालनमा आए पनि सेयर बजार भने खुलेको छैन ।
नेपाल स्टक एक्स्चेन्ज लिमिटेडले सञ्चालक समितिको निर्णयअनुसार धितोपत्र सूचीकरण तथा कारोबार सोमबारदेखि बिहीबारसम्मका लागि स्थगन गरिएको सूचनामा उल्लेख छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।