भारतीय र चिनियाँ सेनाबीचको झडपको विषयमा अमेरिकाले प्रतिक्रिया दिएको छ ।

लद्दाख नजिकको विवादित क्षेत्र गलवान उपत्यकामा यसै हप्ताको सोमबार राति झडप भएको थियो ।

उक्त झडपमा २० भारतीय सेनाले ज्यान गुमाएका थिए भने आफ्ना सेनाको अवस्थाको बारे चीनले कुनै जानकारी दिएको छैन ।

घटना भएको चार दिनपछि शुक्रबार मात्र अमेरिकाले यस विषयमा प्रक्रिया जनाएको हो ।

‘चीनसँगको संघर्षका क्रममा भारतीय सेना मारिएकोमा हामी दुःखी छौं र समवेदना प्रकट गर्न चाहन्छौं’, अमेरिकी विदेशमन्त्री माइक पोम्पियोले भनेका छन्, ‘शोकको समयमा सैनिकको परिवार, प्रियजन र समुदायको सम्झना गर्नेछौं ।’

यसअघि भारत र चीनबीचको तनाव बढ्नासाथ अमेरिकाले तत्काल प्रतिक्रिया जनाउने गथ्र्यो ।

गत ५ मेबाट भारत र चीनबीच तनाव सुरु भएको थियो । सो समयमा अमेरिकी राष्ट्रपति डोनाल्ड ट्रम्पले तत्कालै दुई देशबीच मध्यस्थता गर्त अमेरिका तयार भएको बताएका थिए ।

अमेरिकाले यो पटक दिएको ढिलो प्रतिक्रियालाई यस क्षेत्रमा चीनको प्रभाव बढ्दै गएको विश्लेषण हुन थालेको छ ।