कोरोनाभाइरस संक्रमणबाट मृत्यु हुने मानिसको संख्या २३ पुगेको छ ।

गुल्मीमा होम क्वारेन्टिनमै मृत्यु भएका ६९ वर्षीय पुरुषमा कोरोना पुष्टि भएपछि मृतकको कूल संख्यामा १ थपिएको हो ।

गुल्मीका प्रमुख जिल्ला अधिकारी भरतकुमार शर्माले दिएको जानकारीअनुसार ती व्यक्ति बिहीबार साँझ नै मृत्यु भएको थियो । होम क्वारेन्टिनमै बसिरहेका वेला उनको मृत्यु भएको हो ।

यसअघि २२ जनाको मृत्यु भएको स्वास्थ्य तथा जनसंख्या मन्त्रालयले जानकारी दिइसकेको छ ।