नेपाली बजारमा सुनको मूल्यले नयाँ रेकर्ड कायम गरेको छ । गत शुक्रबार प्रति तोला ८९ हजार ८ सयमा कारोबार भएको सुन आइतबार ९० हजार ६ सय रुपैयाँमा किनबेच भइरहेको छ । 
आइतबार बजार खुल्दा तोलाको ८ सय रुपैयाँले बढेको नेपाल सुनचाँदी व्यवसायी संघले जनाएको छ ।

लक डाउनपछि गत आइतबार बजार खुल्दा महासंघले सुनको नयाँ मूल्य ८९ हजार ६ सय रुपैयाँ तोकेको थियो ।
बजार खुलेको एक सातामै सुनको मुल्य तोलामा एक हजार रुपैयाँले बृद्धि भएको छ ।

चाँदीको मुल्य  आइतबार प्रति तोला ५ रुपैयाँले वृद्धि भई ९ सय ४० रुपैयाँमा कारोबार भएको  महासंघले जनाएको छ ।