काठमाडौं– सत्तारुढ नेपाल कम्युनिस्ट पार्टी (नेकपा)ले अख्तियार दुरुपयोग अनुसन्धान आयोगसम्बन्धी विधेयक तत्कालका लागि रोक्ने निर्णय गरेको छ ।

सरकारले ल्याएको विधेयकलाई विधायन समितिले संशोधनसहित मंगलबार मात्र राष्ट्रिय सभामा पेस गरेको थियो । संशोधनअनुसार निजी क्षेत्रको अनियमिता हेर्न अख्तियारलाई अधिकार दिन सक्ने विधेयकलाई बनाइएको थियो । 

बुधबार बसेको स्थायी कमिटीको बैठकपछि अध्यक्ष प्रचण्डले संसदीय दलका उपनेता सुवासचन्द्र नेम्वाङलाई बोलाएर अख्तियारसम्बन्धी विधेयक रोक्न निर्देशन दिएका छन् ।

सरकारले ल्याएको विधेयकले निजी क्षेत्र तहस–नहस हुन सक्ने भन्दै सम्बद्धक्षेत्रका व्यवसायीले विरोध गर्दै आएका​ थिए । कानुनविद​ले पनि सरकारले संवैधानिक आयोगको अधिकार आफ्नो हातमा लिन खोजेको आरोप लगाएका थिए ।