स्याङ्जाका एक ५५ वर्षीय पुरुषको कोरोनाभाइरसका कारण मृत्यु भएको छ । उनको स्वास्थ्य विज्ञान प्रतिष्ठान, पश्चिमान्चल क्षेत्रीय अस्पतालको आइसियूमा उपचार भइरहेको थियो । 

अस्पतालका अनुसार उनी स्याङ्जाको सिरुवारीका हुन् । योसँगै कोरोनाका कारण स्याङ्जामा मात्रै दुई जनाले ज्यान गुमाएका छन् । अब नेपालमा कोरोनाभाइरसका कारण नेपालमा ज्यान गुमाउनेको संख्या २५ पुगेको छ ।

अस्पतालका अनुसार उनलाई ८ असारमा अस्पतालमा भर्ना गरिएको थियो । केही दिनअघि मात्र उनलाई भेन्टिलेटरमा राखिएको थियो ।