पाकिस्तानी प्रधानमन्त्री इमरान खानले भारतीय प्रधानमन्त्री नरेन्द्र मोदीको चर्को आलोचना गरेका छन् । पाकिस्तानी सन्चारमाध्यमहरुमा छापिएको समाचारअनुसार खानले मोदी सामान्य मानिस नभएको प्रतिक्रिया दिएका हुन् ।

‘उनी सामान्य मानिस होइनन्,’ खानले भनेका छन्, ‘उनी दिमाग भएका व्यक्ति हुन् तर उनले भारतलाई सखाप बनाउँदै छन् ।’

इमरान खानले ५ अगस्ट पहिले नै भारत प्रशासित कश्मिरको समस्यालाई पूरै विश्वको ध्यानमा ल्याउनका लागि आन्दोलन गर्ने पनि घोषणा गरेका छन् । 

उनले भारत र पाकिस्तानबीच सीमामा बसेका मानिसहरुको विषयमा पनि केही कार्यक्रमहरु ल्याउने घोषणा गरेका छन् । त्यहाँका १ लाख ३८ हजार परिवारलाई त आर्थिक सहयोग गर्ने उनले योजना ल्याएका छन् ।