विश्व महामारी कोरोनाभाइरस र लकडाउनका कारण दैनिक रुपमा सुनको मूल्य बढिरहेको छ । अहिलेसम्मकै उच्च मूल्यमा पुगेको सुनले अब नयाँ रेकर्ड बनाएको छ । 

सुनचाँदी महासंघले सार्वजनिक गरेको मूल्य सूचीअनुसार आज फेरि सुनको मूल्यमा प्रति तोला ७ सय रुपैयाँ बढेको छ । योसँगै अब छापावाल सूनको मूल्य ९१ हजार ३ सय पुगेको छ । यो अहिलेसम्म सुनको मूल्य सबैभन्दा महंगो हो ।

शुक्रबार सुन प्रतितोला ९० हजार ६ सयमा कारोबार भएको थियो । 

सुनचाँदी व्यवसायी महासंघका अनुसार तेजाबी सुनको मूल्य अब ९० हजार ८ सय ६० पुगेको छ ।