गण्डकी प्रदेशमा आज ८ जना कोरोनाभाइरस संक्रमित थपिएका छन् । प्रदेश क्षयरोग केन्द्र पोखराको प्रयोगशालामा गरिएको परीक्षणमा ४ जिल्लामा संक्रमण थपिएको प्रदेश स्वास्थ्य निर्देशनालयले जनाएको छ ।

निर्देशनालयका अनुसार गण्डकीका बागलुङ, स्याङ्जा, तनहुँ र पर्वतमा संक्रमित थपिएका हुन् । बागलुङको बागलुङ नगरपालिकाका २५ वर्षीय पुरुषमा कोरोना संक्रमण पुष्टि भएको हो ।

त्यस्तै, स्याङ्जाको कालिगण्डकी गाउँपालिका र वालिङ नगरपालिकामा २० र १३ वर्षका पुरुष तथा तनहुँको ऋषिङ गाउँपालिका २६, २६ र २७ वर्षका २ जनामा संक्रमण देखिएको छ ।

त्यसैगरी, पर्वतको फलेबास नगरपालिका र कुश्मा नगरपालिकामा २१ र २७ वर्षका २ पुरुषमा कोरोना पोजेटिभ देखिएको छ ।

योसँगै गण्डकी प्रदेशमा कोरोनाबाट संक्रमित हुनेको संख्या १ हजार १४ पुगेको छ । जसमध्ये २ जना संक्रमितको उपचारका क्रममा मृत्यु भएको थियो ।

प्रदेशभरि कोरोना निको भएर घर फर्किनको संख्या २१४ छ ।