जनकपुरधाम– सरकारले ल्याएको नागरिकता विधेयकविरुद्ध सिके राउत नेतृत्वको जनमत पार्टी भैँसी जुलुस गरेको छ । सो पार्टीका कार्यकर्ताहरुले सिरहाको औरही गाउँपालिका १ कुण्डलपुरमा विधेयकविरुद्ध भैँसी जुलुस निकालेका हुुन् । 

विरोधका लागि दर्जनौँ भैँसी जम्मा पारेर भैँसीको जिउमा ‘नागरिकता विधेयक खारेज गर, केपी ओली मुर्दावाद, महिलालाई हेप्न पाइँदैनजस्ता नारा लेखेर प्रदर्शन गरिएको छ । प्रदर्शनकारीले विधेयक खारेज नगरे मधेसभर कडा आन्दोलन गर्ने चेतावनीसमेत दिएका छन् । 

राज्य व्यवस्था समितिबाट पारित भएको नागरिकता संशोधन विधेयकमा नेपालीसँग विवाह गर्ने विदेशी महिलाले सात वर्षपछि अंगीकृत नागरिकता पाउने प्रावधान छ ।

नेकपाको निर्णयपश्चात् समितिले बहुमतले सो विधेयक पारित गरेको हो । यस्तो प्रावधान ल्याएपछि मधेसमा दिनहुँजसो विरोध प्रदर्शन् भइरहेको छ ।