Fri, 14 Aug, 2020


सिन्धुपाल्चाेकका कैदीमा काेराेना देखियाे, त्रास
फरकधार / असार १८, २०७७

एक बन्दीमा कोरोना संक्रमण भेटिएपछि सिन्धुपाल्चोक जिल्ला कारागारमा त्रास फैलिएको छ ।  कडा सुरक्षाबीच बन्द कारागारमै संक्रमित भेटिएका कारण अन्य कैदीबन्दीसँगै सुरक्षाकर्मी पनि त्रसित छन् । संक्रमितसँगै खाइखेली गर्ने कारागारका अरु एक सय २१ कैदीबन्दी आतंकित बनेका छन् ।  



‘उसै पनि सँधै सिलको अवस्थामा रहने कारागारमै संक्रमित भेटिएपछि डर, त्रास फैलिने नै भयो,’ प्रमुख जिल्ला अधिकारी उमेशकुमार ढकालले नागरिकसँग भने । ७७ वर्षीय एक बृद्ध कैदीमा मंगलबार कोरोना पुष्टि भएको थियो । त्यसयता कारागारभित्रको बातावरण त्रसित छ । प्रजिअ ढकालले कारागारभित्र कैदीमा कोरोना संक्रमिण पुष्टि भएको सम्भवत यो नेपालमै पहिलो हुन सक्ने बताए ।  

संक्रमित ती कैदी लामो समयदेखि निको नुहने घाउबाट पीडित छन् । चौतारा अस्पतालमा उनले उपचार गराउँदै आएका थिए । अस्पतालले काठमाडौं रेफर गरेपछि उपचारलाई ध्यान दिँदै उनलाई कारागार सरुवा गर्ने प्रक्रिया थालिएको थियो । कारागार सरुवा गर्नुअघि उनको थ्रोट स्वाब संकलन गरी पिसिआर परीक्षण गरिएको थियो । टेकुको राष्ट्रिय जनस्वास्थ्य प्रयोगशालाले कैदीमा कोरोना संक्रमण पुष्टि गरेको बरिष्ठ जनस्वास्थ्य अधिकृत दुर्गादत्त चापागाईँले जनाए ।  


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यो सामाग्री सेयर गर्नुहोस्


यो पनि नछुटाउनुहोस्