भारत र चीनबीच झडप र सीमा विवाद भइरहेको ठाउँ लद्दाखको गलवान घाटीबाट अब चिनियाँ सेना पछाडि हटेको भारतले दाबी गरेको छ । भारतले आफूले पाएको ठोस प्रमाणका अनुसार चिनियाँ सेना २ किलोमिटर पछाडि हटेको बताइएको छ । 

१५ जुनमा यो ठाउँमा चिनियाँ र भारतीय सेनाबीच झडप हुँदा २० भारतीय सेनाले ज्यान गुमाएका थिए । घटनामा चिनियाँ सेना पनि मारिएको भारतको दाबी छ । तर, चीनले यसबारे आजसम्म औपचारिक जानकारी दिएको छैन ।

पछिल्लो समय यो स्थानको विषयमा भारत र चीनबीच बारम्बार वार्ता हुँदै आएको छ । ३० जुनमा बनेको सहमति अनुसार चिनियाँ सेना पछाडि हटेको भारतको दाबी छ । भारतीय पत्रिका द हिन्दुले प्रकाशन गरेको एक रिपोर्टअनुसार चीनले त्यहाँ बनाएका अस्थायी भवनहरु पनि हटाएको छ ।