अफगानिस्तानमा हिंसा मच्चाइरहेका तालिबानीहरु शान्ति वार्ताको लागि तयार रहेको अफगानिस्तानका लागि अमेरिकी विशेष दूतले बताएका छन् ।

अफगानिस्तानका लागि अमेरिकी विशेष दूत जल्मी खलिलजादले आइतबार यसको जानकारी दिएको समाचारमा उल्लेख गरिएको छ । उनले अफगानिस्तानका तालिबानीहरु त्यहाँ शान्ति ल्याउने कामका लागि आवश्यक परेको समन्वय गर्ने काममा तयार देखिएको बताएका हुन् । ।

अफगानिस्तानमा शान्ति स्थापना हुन सके आर्थिक विकास हुने भन्दै विशेष दूत खलिलजादले अफगानिस्तानमा शान्ति ल्याउने कामका लागि यहाँका जनता र तालिबानीहरु तयार रहेका आफूले पाएको बताएका हुन् ।

अमेरिकाले अफगानिस्तानका तालिबानसँग शान्तिवार्ता गर्ने पहल गरेको छ । केही महिनाअघि अमेरिकाले तालिबान र अफगानिस्तनको सरकारका प्रतिनिधिसँग पनि वार्ता गरेको थियो ।

कतारको दोहामा सो वार्ता भएको थियो । त्यस वार्ताका क्रममा तालिबानले पनि आफूहरु शान्ति वार्ता गर्न तयार भएको बताएका थिए ।

आगामी दिनमा पनि तालिबानसँग शान्ति वार्ता गर्ने भएपछि उनीहरुले राखेका शर्त बमोजिम नै अमेरिकाले अफगानिस्तानबाट अमेरिकी सैनिक घटाउने काम गरिरहेको बताइएको छ ।