काठमाडौं– सत्ता संकटमा रहेका प्रधानमन्त्री केपी शर्मा ओलीले सत्ता सहकार्यका लागि प्रमुख प्रतिपक्षी दल नेपाली कांग्रेसलाई आग्रह गरेको समाचार बाहिरिएसँगै राजनीतिक वृत्तमा कांग्रेको जवाफको पर्खाइ व्यप्त छ । यसैबीच कांग्रेसले कुनै पनि परिस्थितिमा यो कार्यकाल सरकारमा सहभागी नहुने प्रष्ट पारेको छ ।
सत्तारुढ नेकपाभित्रको विवाद र प्रतिपक्षी दलका नेताहरुसँग बाक्लिएको भेटघाटको सन्दर्भमा आयोजित पत्रकार सममेलनमा बोल्दै कांग्रेस प्रवक्ता विश्वप्रकाश शर्माले अहिलेको कार्यकाल कांग्रेस मन्त्रालय चलाउने मानसिकताले सिंहदरबार नछिर्ने बताएका छनु् ।
‘माग राखेर सिंहदरबार जाने कुरा बेग्लै छ, तर मन्त्रालय चलाउने मानसिकताले जाने छैनौँ, उनले अगाडि भने, ‘‘प्रधानमन्त्रीका राम्रा प्रस्तावलाई हामीले रमाइलोका रुपमा हेरिरहेका छौँ ।’
जनताले कांग्रेसलाई ५ वर्ष प्रतिपक्षमा बस्न म्याण्डेट दिएको भन्दै उनले अहिले गुलियो प्रस्ताव आए पनि कांग्रेस लहसिने अवस्थामा नरहेको प्रस्ट पारे ।
प्रधानमन्त्री ओली पक्ष मात्र नभई नेकपाका अन्य नेताहरुले पनि देउवासँग भेटघाट गरेको बताउँदै उनले नेकपाको आन्तरिक द्वन्दमा काँग्रेस यो वा त्यो पक्षमा नउभिने बताए ।
प्रधानमन्त्रीले संसद अधिवेशन अन्त्यको जानकारी प्रतिपक्षी दल, सभामुख राष्ट्रिय सभाका अध्यक्षलाई हुनुपर्ने भए पनि त्यस्तो नभएको उल्लेख गर्दै राष्ट्रपतिको गरिमा गिराउने काम भइरहेको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
