लकडाउन खुलेपछि निकै उतारचढाव देखिइरहेको  सुनको मूल्य मंगलबार उकालो लागेको छ । 

सोमबार ९० हजार २ सय रुपैयाँ प्रतितोलामा कारोबार भईरहेको सुनको मूल्य मंगलबार ९० हजार ९ सय रुपैयाँ पुगेको नेपाल सुनचाँदी व्यवसायी महासंघले जनाएको छ । 

लकडाउन पछिको कारोबारमा लगातार बढेर प्रतितोला ९१ हजार ७ सयसम्म पुगेको सुनको मूल्य पछिल्लो समय घटिरहेको थियो । 

 यस्तै, मंगलबार चाँदीको मूल्य पनि १० रुपैयाँले उकालो लागेको छ । सोमबार प्रतितोला ९ सय ४० रुपैयाँमा कारोबार भईरहेको चाँदी मंगलबार ९ सय ५० रुपैयाँ पुगेको महासंघले जनाएको छ ।