काठमाडौं– नेपालमा पछिल्लो २४ घण्टामा २ सय ५५ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले बुधबार आयोजना गरेको  नियमित पत्रकार सम्मेलनमा सो जानकारी दिइएको हो । 

मन्त्रालयका प्रवक्ता डा. जागेश्वर गौतमले दिएको जानकारीअनुसार योसँगै नेपालमा कुल संक्रमितको संख्या १६ हजार ४२३ पुगेको छ । 

पछिल्लो २४ घण्टामा २५३ जना जना कोरोनामुक्त भएर घर फर्किएका छन् । अहिलेसम्म डिस्चार्ज हुनेको संख्या ७ हजा ७ सय ५२ पुगेको उनले बताए । 

बुधबारसम्म २ लाख ६६ हजार ४५७  पिसिआर परीक्षण सम्पन्न भएको छ भने आरडिटी परीक्षणको संख्या ३ लाख १२ हजार ४०२ यथावत् छ ।

अहिलेसम्म २५ हजार ४० जना क्वारेन्टाइनमा रहेका छन् भने ८ हजार ६३६ जना आइसोलेसनमा रहेका छन् । हालसम्म कोरोनाका कारण मृत्यु हुनेको संख्या ३५ रहेको छ ।