काठमाडौं– सांसद र पार्टीको साधारण सदस्यबाट निष्कासनमा परेकी सरिता गिरीले पार्टी निर्णयविरुद्ध सर्वोच्च अदालतमा रिट दायर गरेकी छन् ।
आफूलाई सांसद र पार्टीबाट निष्कासन गर्ने निर्णय अवैधानिक भएको दाबी गर्दै गिरीले जनता समाजवादी पार्टी र सरकारविरुद्ध सर्वोच्च अदालतमा आइतबार रिट दायर गराएकी हुन् ।
संसदीय दलको सिफारिसमा मात्र आफूलाई केन्द्रीय समितिले कारबाही गर्न सक्ने भएकाले सो निर्णय अवैधानिक भएको उनले दाबी गरेकी छिन ।
उनलाई पदाधिकारी बैठकले निष्कासन कारबाही गरेको थियो । पार्टीको निर्देशन विपरीत संशोधन दर्ता गरेको र राष्ट्रहित विपरित अभिव्यक्ति दिएको आरोप उनलाई लगाइएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
