जनता समाजवादी पार्टीका वरिष्ठ नेता डा. बाबुराम भट्टराई सामाजिक सञ्जालमा छाइरहन्छन् । उनी समसामयिक विषयमा फेसबुक र ट्विटरमा स्टाटस पोस्ट गर्न माहिर छन् ।

यसैबीच, पूर्वप्रधानमन्त्रीसमेत रहेका डा. भट्टराईले २०७ औँ भानु जयन्तीका उपलक्ष्यमा एउटा कविता सम्झिएका छन् । सो कविता स्कुल पढ्दा भानु जयन्तीका अवसरमा आफ्ना शिक्षकले सुनाएको कविता रहेको उनले आज ट्विट गर्दै जानकारी दिएका हुन् ।

‘भानु जयन्तीको उपलक्ष्यमा स्कुलमा भीमप्रसाद गुरूले सुनाएको भानुभक्तको यो कविता’ शीर्षकमा उनले पोस्ट गरेको कविता यस्तो छ, ‘कि ता सेता मुला कि त हवस् पात उसको । कि ता मुंग्रे केरा कि त हवस् मही वेश अमिलो ।। असल् हुन्थ्यो धुप्मा नतर कसरी खानु यसरी । भुटी ल्यायौ थाल्मा मकइ तिमीले क्यान यसरी ।।’

 कविता सकिएपछि डा. भट्टराईले ‘गाउँको खाजा संस्कृतिको चित्रण !’, भनेका छन् ।