स्याङ्जामा पहिरोकोे स्थलगत निरीक्षणमा गएकाहरूलाई नै पहिरोले पुरेको छ ।

पाँच दिनदेखिको अविरल वर्षासँगै खसेको पहिरोले पुरिएर कालीगण्डकी गाउँपालिका –४, खहरेमा एक जनाको मृत्यु भएको छ भने तीन जना बेपत्ता भएका छन् । दुई जनाको सकुशल उद्धार गरिएको छ ।

लगातारको वर्षासँगै पहिरो गएकोबारे जानकारी लिन पुगेका उनीहरूलाई अर्कोतर्फबाट अर्काे पहिरो आएर आएको पहिरोले पुरेको थियो ।

पहिरोमा पुरिएर ७० वर्षीया इमान सिंह थापाको निधन भएको छ भने प्रेमचन्द्र पाण्डे, टीका थापा र गिमानसिंह थापा बेपत्ता भएका छन् ।

पहिरोले कालीगण्डकी –४ का वडा सदस्य होमनाथ पाण्डे र वीरबहादुर राना घाइते भएकोे स्याङ्जा प्रहरीले जनाएको छ । बेपत्ताको खोजी तथा उद्धार जारी रहेको बताइएको छ ।