इलाम– इलाममा नेपाली सेनाका एक जवानसहित ६ जनामा कोरोना पुष्टि भएको छ । क्वारेन्टाइनमा सुरक्षार्थ खटिएका सेनाका जवानसहित ६ जनामा कोरोना पुष्टि भएको हो ।
कोरोना देखिएकामा इलाम नगरपालिका–८ का एकजना, इलाम नगरपालिका १० का तीनजना र इलाम नगरपालिका ७ का २ जना छन् ।
इलाम अस्पतालका अनुसार कुवेत साउदी, कतार, ग्रिसबाट आएका एक–एक जना, भारतबाट आएका एकजना र क्वारेन्टाइनको सुरक्षार्थ खटिएका नेपाली सेनाका जवानमा कोरोना संक्रमण देखिएको हो ।
जिल्ला समन्वय समितिको क्वारेन्टाइनमा बसेका उनीहरुको गत २८ गते स्वाब परीक्षणका लागि पठाइएको थियो ।
इलाममा यसअघि १६ जनामा कोरोना पुष्टि भएको थियो भने १० जना निको भएर फर्किसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
