काठमाडौं– स्वास्थ्य तथा जनसंख्या मन्त्रालयले कोरोना भाइरसको संक्रमण दर कम हुँदै गएका कारण परीक्षण पनि कम गरेको जनाएको छ । 

स्वास्थ्य मन्त्रालयका प्रवक्ता प्रा.डा. जागेश्वर गौतमका अनुसार काठमाडौं उपत्यकाका विभिन्न स्थानमा ३ हजार जनाको नमुना संकलन गरेर पिसिआर परीक्षण गर्दा ३ जनामा मात्रै कोरोना पोजेटिभ देखिएको बताए । बिहीबारको नियमित प्रेस ब्रिफिङमा उनले सो जानकारी दिएका हुन् । 

हाल देशका विभिन्न २७ प्रयोगशालाबाट पिसिआर जाँच हुँदै आएको छ । नेपालमा दैनिक १० हजार बढी नमुना परीक्षण गर्न सक्ने क्षमता रहेको गौतमले बताए ।  

 उनका अनुसार पछिल्लो २४ घण्टामा ४ हजार ९८१ जनाको नमुना परीक्षण भएको छ ।

यसले संक्रमण दर कम हुँदै गएको पुष्टि हुने बताए । तर संक्रमित कम भएपनि जोखिम भने कम नभएको उनले बताए ।