काठमाडौं– प्रधानमन्त्री केपी शर्मा ओलीसँगको वार्ता निष्कर्षविहीन भएपछि बिहीबार अध्यक्ष पुष्पकमल दाहाल निवासमा बसेको दाहाल–नेपाल समूहको भेलाले तत्काल केन्द्रीय समितिको बैठक बोलाउनुपर्ने निष्कर्ष निकालेको छ ।
खुमलटार भेलामा दाहाल र नेपालका साथै सचिवालय सदस्यहरु झलनाथ खनाल, बामदेव गौतम, नारायणकाजी श्रेष्ठ र रामबहादुर थापा बादल भेला भएका थिए ।
दाहाल र नेपालले ओलीलाई प्रधानमन्त्रीबाट राजीनामा दिन आग्रह गरेको तर ओलीले त्यसलाई अस्वीकार गरेपछि असन्तुष्ट पक्षले केन्द्रीय समिति बैठक बोलाउने निष्कर्ष निकालेको हो ।
यत, प्रधानमन्त्री केपी शर्मा ओलीले पनि आफू निकटका नेताहरुसँग बालुवाटारमा रणनीतिक बैठक गरेका छन् । सो बैठकको निष्कर्ष बाहिर आइसकेको छैन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।