काठमाडौं– प्रधानमन्त्री केपी शर्मा ओलीले श्रीरामको जन्मस्थानको विषयमा दिएको अभिव्यक्तिको आलोचना गर्दै एक पूर्वएआइजीले कडा टिप्पणी गरेका छन् । पूर्वएआइजी देवेन्द्र सुवेदीले सामाजिक सञ्जालमार्फत प्रधानमन्त्रीको कदमबाट सर्वसाधारण दिग्भ्रमित भइरहेको टिप्पणी गरेका हुन् । 

ओलीको होलीवाइनदेखि सुरु भएको धार्मिक यात्रा श्रीरामको नागरिकता यकिन गर्ने प्रयत्नसम्म आइपुगेको बताएक छन् । उनका यस्ता असंंगत चित्रहरुबाट दिग्भ्रमित भइसक्दा पनि सर्वसाधारण नेपाली निरन्तर गौरवान्वित हुन सकेको सुवेदीको टिप्पणी छ । 

उनले लेखेका छन्– येशु ख्रिष्टको छोरी घोषणा गर्ने होली वाईनको राजकीय समारोहबाट सुरु भएको हाम्रा प्रधानमन्त्रीको धार्मिक यात्रा श्रीरामको नागरिकता यकिन गर्ने प्रयत्नसम्म आइपुग्दासम्मका असंगत चित्रहरुबाट दिग्भ्रमित भइसक्दा पनि निरन्तर गौरवान्वित हुन सक्ने हामी सार्वभौम रैतीहरु ।

येशु ख्रिष्टको छोरी घोषणा गर्ने होली वाईनको राजकीय समारोहबाट शुरु भएको हाम्रा प्रधानमन्त्रीको धार्मिक यात्रा श्री रामको नागरिकता यकिन गर्ने प्रयत्न सम्म अाईपुग्दा सम्मका असँगत चित्रहरुबाट दिग्भ्रमित भई सक्दा पनि निरन्तर गौरबान्बित हुन सक्ने हामी सार्बभौम रैतीहरु।

— Devendra Subedi (@devendrasubedip) July 17, 2020