कोरोनाभाइरसका कारण लागु गरिएको लकडाउनमा देशभरका विद्यालयहरु बन्द रहेका छन् । केही विद्यालयहरुले अनलाइन कक्षा सन्चालन गरिरहेका छन् । तर, कतिपय विद्यालयमा केही हुन सकेको छैन । 

अब सरकारले ८ साउनपछि विद्यालयहरुमा विद्यार्थी भर्ना लिने तयारी गरेको छ । मन्त्रीपरिषद्को सोमबार बसेको बैठकमा विद्यालयहरु नखोल्ने तर भर्ना प्रक्रिया अगाडि बढाउने निर्णय गरेको हो ।

सरकारले सामुदायिक विद्यालयका शिक्षकहरुलाई ८ साउनदेखि १५ गतेसम्म विद्यालयमा जान निर्देशन पनि दिएको छ । साथै अहिले क्वारेन्टिन बनाइएका विद्यालयहरुलाई ‘डिसइन्फेक्ट’ गर्ने पनि निर्णय भएको छ ।