गण्डकी प्रदेशमा थपिए ११ संक्रमित
फरकधार / १० साउन, २०७७

  
गण्डकी प्रदेशमा थप ११ जनामा कोरोना संक्रमण पुष्टि भएको छ । स्वास्थ्य विज्ञान प्रतिष्ठन पोखरा, लुम्बिनी प्रादेशिक अस्पताल रुपन्देही र जनस्वास्थ्य प्रयोगशाला हेटौंडामा गरिएको परीक्षणमा गण्डकीमा थप ११ जनामा कोरोना पुष्टि भएको हो ।



 

गण्डकी स्वास्थ्य निर्देशनालयका निर्देशक डा. विनोदविन्दु शर्माका अनुसार नयाँ संक्रमितमा कास्कीमा  १ जना, गोरखामा दुई जना र नवलपरासी पूर्वमा आठ जना रहेका छन् । कोरोना संक्रमितहरुलाई सम्वन्धित जिल्लाको आईसोलेशन लैजाने तयारी भइरहेको स्वास्थ्य निर्देशक डा शर्माले जनाकारी दिए । 

 

योसँगै गण्डकीमा संक्रमितको संख्या १ हजार ३७२ पुगेको छ । शनिवार बिहान पोखरा महानगरपालिकामा एक जनामा कोरोना संक्रमण पुष्टि भएको थियो । योसहित गण्डकीमा ११ जना नयाँ संक्रमित थपिएका छन् । कोरोना संक्रमणबाट निको हुनेको संख्या १ हजार १२२ पुगेको प्रदेश स्वास्थ्य निर्देशनालयले जानकारी दिएको छ । 

 

गण्डकी प्रदेशमा संक्रमण भएर आईसोलेशनमा रहेकाको संख्या २३४ रहेको छ । प्रदेशमा सवैभन्दा धेरै नवलपरासी पूर्वमा ३०६ जनामा संक्रमण देखिएको छ । मनाङ र मुस्ताङमा भेटिएका १÷१ जना संक्रमित निको भएर घर फर्किएका छन् ।  गण्डकी प्रदेशमा अहिलेसम्म कोरोना संक्रमणबाट चार जनाको मृत्यु भएको छ ।

  • प्रकाशित मिति : साउन १०, २०७७ शनिबार १७:४०:४३,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया