काठमाडौं– सरकारले लकडाउन खुला गरेर विश्वविद्यालयहरुका परीक्षा सञ्चालन गर्न अनुमति दिएपछि कार्यतालिका प्रकाशित गरेर पूर्वाञ्चल विश्वविद्यालयले भदौदेखि परीक्षा सञ्चालन गर्ने तयारी गरेकोमा अब सो परीक्षा नहुने भएको छ ।
केही जिल्लामा सरकारले निषेधाज्ञासमेत जारी गरेको हुँदा अवस्था असामान्य रहँदासम्मका लागि परीक्षा स्थगित गरेको परीक्षा नियन्त्रक प्रा.डा. सूर्यप्रसाद संग्रौलाले जानकारी गराएका छन् ।
सरकारले लकडाउन खोलेपछि साउन ४ गते विश्वविद्यालयको परीक्षा व्यवस्थापन कार्यालयबाट भदौ पहिलो सातादेखि सम्बन्धित क्याम्पसहरूमा परीक्षा केन्द्र कायम गर्ने गरी सूचना प्रकाशित गरेको थियो ।
सोमबार एक विज्ञप्ति जारी गर्दै परीक्षा नियन्त्रक प्रा.डा. सूर्यप्रसाद संग्रौलाले परीक्षा स्थगित भएको जानकारी दिएका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
