काठमाडौं–  विध म्यानेजमेन्ट कम्पनीले सरकारले तोकेभन्दा १ हजार रुपैयाँ सस्तोमा पिसिआर परीक्षण गर्ने भएको छ । कम्पनीले कोभिड १९ (कोरोना भाइरस)को पिसिआर परीक्षणका लागि अनुमति पाएसँगै सो घोषणा गरेको हो । 

दैनिक ४ हजारभन्दा बढी नमुनाको पिसिआर परीक्षण गर्ने लक्ष्य लिएको कम्पनीले साउन १५ गते बिहीबारबाट परीक्षण सुरु हुने जनाएको छ । 

कम्पनीले बुधबार एक विज्ञप्ति जारी गर्दै दैनिक ४ हजारभन्दा बढी नमुनाको पिसिआर परीक्षण गर्ने लक्ष्य लिएको जनाएको छ । सरकारले ५ हजार ५ सय रूपैयाँमा पिसिआर परीक्षण गर्न विभिन्न अस्पताललाई अनुमति दिएको छ । तर, विध कम्पनीले ४ हजार ५ सय रूपैयाँमा नै परीक्षण गर्न पाउने व्यवस्था मिलाइएको जनाएको छ ।